Məhsul kodu: 11601
Bu monoqrafiya Azərbaycan və dünya caz musiqisinin dahisi Vaqif Mustafazadənin həyat və yaradıcılığının kompleks təhlili üzərində qurulmuş elmi-publisistik bir araşdırmadır: tədqiqatın teksti də, konteksti də caza, muğama, Bakıya, İçərişəhərə və Vaqif şəxsiyyətinə hüdudsuz sevgidən aşıb daşır. Rauf Fərhadov dünyanı dolaşan Mustafazadə əfsanəsinin sirlərini musiqişünas təfəkkürü, şair ürəyi, filosof məntiqi ilə təhlil eləyib, fikirlər polifoniyasında onun portretini və həyat dramını göstərməyə çalışıb. Bu kitab Vaqif Mustafazadə kosmosuna “uçmaq” istəyənlərin əllərindən tutub onlara caz zəvvarlığının qaydalarını öyrədəcək.
