Məhsul kodu: 3447
Çağdaş ingilis ədəbiyyatının parlaq simalarından biri, intellektual nəsrin usta nümayəndəsi sayılan Culian Barns Aqibət duyğusu romanına görə 2011-ci ildə zəmanəmizin ən nüfuzlu ədəbi mükafatlarından birinə - Buker ə (Man Booker Prize for Fiction) layiq görülüb.
...Londonun elitar bir məktəbində təhsil alan Toni Uebsterin və onun ən yaxın dostları Kolinlə Aleksin oxuduqları sinfə yeni şagird gəlir - Adrian Finn. Müqəddəs üçlük tezliklə onu özünə cəlb etsə də, Adrian dostlarından hərtərəfli fərqlənir...
Məktəbi qurtarandan sonra ölənə qədər dost olacaqlarına and içib, hərəsi bir yana üz tutan bu dörd gənci çox keçmədən həyat həmişəlik ayırır. Araya romantik əhvalatlar, qəribə eşq macəraları da girir, cürbəcür qayğılar da, qəfil faciə də. Sonra isə bütün bunları unutmaq, yaddaşdan silmək, dinc, asudə bir həyat yaşamaq cəhdləri...
Aradan 40 il keçir, günlərin birində Toni tanımadığı vəkildən gözlənilməz bir məktub alır. O, ömrünü rahatlıq içində başa vurmağa hazırlaşsa da, keçmişə boylanmalı, arxada qalan onilliklərin unudulmuş saydığı hadisələrini dönə-dönə xatırlamalı olur. Yaddaş, zaman, məsuliyyət anlayışlarını, yaşadığı həyatı təzədən dəyərləndirməyə cəhd göstərdikcə hər şeyin bir-birinə qarışdığını görən Uebster anlayır ki...
Kitab geniş oxucu kütləsi üçün nəzərdə tutulub.
