Məhsul kodu: 9293
Bertolt Brecht (1898-1956) XX əsər Alman şeirinin və dramaturgiyasının ən önəmli adlarındandır. Daha çox dramaturq kimi tanınan, “epik teatr” ideyasının davamçısı B.Brecht təkrarsız şeirlərin müəllifi olmuşdur və şeir yaradıcılığı haqqında da özünəməxsus ideyalar irəli sürmüşdür. Onun görüşünə görə yazılan hər hansı bir şeirin “istifadə dəyəri” olmalı idi: “Şairlər daha çox lirik əsərlər yaradır və lirik şeirlərlə önə çıxırlar. Lakin bu cür şeirlər düşüncənin və ya duyğunun əsl mənalarından çox uzaqlaşır.” Brecht, şeirə yüklədiyi bu funksiya və mənanı, yazdığı bütün şeirlərinə köçürmüşdür. Brecht’in şeirləri çoxşaxəli və qeyri-adi əhatə gücünə malikdir. “Großen kommentierten Berliner und Frankfurter Ausgabe” adlı kitabında, bir çoxu müxtəlif formalarda yazılmış, təqribən 2300 şeir vardı. Aydın görünür ki, Brecht üçün hər önəmli hadisənin və düşüncələrin şeir formasında əks olunması böyük bir ehtiyacdan irəli gəlirdi. Ölümündən qısa bir zaman öncə belə iyirmi yeni şeir yazmışdı. Şeirləri, qafiyəsiz mətnlərdən, cüt qafiyəli klassik poemalara qədər uzanan bir rəngarəngliyə sahibdir.