Məhsul kodu: 10853
XIX əsrin birinci yarısı, İtaliya milli azadlıq hərəkatı… Vahid ölkə halında birləşməyə can atan əyalətlər, qaynar qanlı italyanlar, ölkəni əsarətdə saxlamağa can atan yadellilər və sonuncuların əlində oyuncağa çevrilmiş Papa hakimiyyəti…
Gənc, yaraşıqlı Artur Börton öz biliyi, idealları, dini dünyagörüşü ilə bu təlatümlü mübarizə dənizinə atılır. Arturu ələ verib gözdən salırlar, lakin o, sarsılmaz iradəsinə güvənərək öz ölümünü inandırıcı şəkildə imitasiya edir, dünyanın o biri başına qaçır. İllər sonra o, yenidən İtaliyanın amansız mübarizə meydanında peyda olur – bu dəfə başqa soyadla, saxta kimliklə. Dostları onu Atmilçəyi adlandırırlar, o isə qürurla bu ayamanı inqilabçı təxəllüsünə çevirir.
Bu, Platonun təsvir etdiyi Atmilçəyidir. o, cəmiyyəti, dostlarını daim hərəkətdə olmağa vadar edən bir mozalandır.
Rus dilindən çevrildiyi üçün yanlış olaraq “Ovod” adı qoyulan “Atmilçəyi” romanı ilk dəfə ixtisarsız, orijinaldan tərcümə ilə oxuculara təqdim olunur.
