Məhsul kodu: 11607
Dünya bircə anda xarabalığa çevrilir. Sağ qalmış ata və oğul yanıb külə dönmüş Amerikadan keçib gedirlər. Ətrafda küləyin göyə sovurduğu küldən başqa heç nə gözə dəymir. Hava dəhşətli dərəcədə soyuqdur, hətta şaxta daşı da çatlada bilər. Qar yağır, hər tərəf kül olduğundan qarın rəngi ağ deyil, kül rəngindədir. Göy üzü qapqaradır. Onların məqsədi dəniz sahilinə çatmaqdır, lakin onları orda nə gözlədiyini bilmirlər. Hərdən onların qarşısına vəhşiləşmiş insanlar- adamyeyənlər çıxır. Özlərini müdafiə etmək üçün onların yalnız bircə tapançası var. Uçub-dağılmış evləri axtarıb özlərinə paltar tapıblar, xaraba qalmış mağazadan götürdükləri ərzaq arabasına uçmuş evlərin zirzəmilərindən tapdıqları ərzağı yığıblar. Gələcəyə ümidi tükənmiş ata ilə oğulun bir-birinə olan sevgisi onlara ümid verir. Hər şeyin məhv olduğu bir yerdə bu sevgi onları yaşadır. Dəhşətli yollarda ata həyatını itirir. Xoşbəxtlikdən onun tək qalmış oğlunun qarşısına yaxşı insanlar çıxır. Bir kişi, bir qadın. Onların kiçik qızı da var. Bəs bundan sonra hadisələr necə davam edəcək?
