Məhsul kodu: 11656
XIX əsr dünya ədəbiyyatının ən nəhəng simalarından olan ingilis yazıçısı Çarlz Dikkensin (1812-1870) yaradıcılığının ən gözəl nümunələrindən sayılan “Devid Kopperfild” romanı yarıavtobioqrafik əsərdir. Birinci şəxsin təkindən nəql edilən roman həcmcə iri olsa da, incə yumoru, aydın təsvirləri ilə ilk səhifələrdən oxucunu əsərə kilidləyir, adam bir anda .zünü balaca Devidin dünyasında hiss edir və hər şeyi onun məsum gözləri ilə görməyə başlayır. Yazıçı hafizəsini gərir, yaddaşının dərinliyindən adda-budda fraqmentləri üzə çıxarır, sonra bu fraqmentləri bir düzüm muncuq kimi ard-arda düzür. O, Devidin həyatının ayrıayrı dönüş mərhələlərinin sonunda bütöv bir fəslin təhkiyəsini indiki zamana keçirir. Bu retrospektiv plan çox maraqlı texnikadır: oxucuya elə gəlir ki, bu an, bu dəqiqə o hadisələrin içindədir, hər şey bir kino lenti kimi onun gözləri qarşısından keçir.
