Məhsul kodu: 11866
Atatürk dühası bizim üçün indiki dövrdə hansı əhəmiyyəti daşıyır? XXI əsrdə biz ondan nə öyrənə bilərik? Bəs ağıl və məntiq bizə lazımdırmı? Mövzu Atatürk kimi dahi bir tarixi şəxsiyyət olanda, ortaya çox suallar çıxır.
Atatürk ağlın gücü ilə böyük işlər görə bilməyin bütün mümkün yollarını deyirdi. Nəyisə zor gücünə etməyin və ya etdirməyin düzgün olmadığını izah edirdi. Türkiyəni çağdaş, müstəqil, sivil bir cəmiyyət halına gətirmək üçün bütün sahələrdə inqilablar etməyi bacarmış bir düha haqqında bütün
şübhəli qaldığınız mətləblərə geoloq alim Cəlal Şəngör bu kitabı ilə aydınlıq gətirəcək. Sizcə Atatürk diktator idi? Bu suala cavab vermək çox asandır: Bəli! Amma necə diktator? Bu suala dolğun cavab əlinizdə tutduğunuz kitabın səhifələrindədir. Bir oxucu sadə bir cümlə ilə yazıb: “Atatürk elə bir lider idi ki, alman diktaturasından qaçanlar Türkiyə diktatorunun mərhəmətinə sığındılar”. Belə bir müqayisədən sonra kimdəsə şübhə qaldığına inanmaq çətindir. Xalqını hürriyyətə qovuşdurmaq üçün bəzən mülayim, bəzən də qəddar olan Atatürk haqqında yazılmış bu kitabdan çox şey öyrənəcəyinizə zəmanət veririk.
