Məhsul kodu: 11916
Günlərin bir günü qocaman aktyor, bir vaxt məşhur olub tamaşaçıların alqışlarını qazanan, indi isə tək-tənha yaşayan Sərxan Səmədzadənin qapısı döyülür.
Gələn erməni Edqardır. Əslən bakılı, jurnalist Edqar Lalayan üç günlüyə, Peterburqda yaşayan bir azərbaycanlının – Namazov Cahangir Əli oğlunun pasportuyla dostunun evinə, doğulduğu şəhərə gəlib. Bu üç gün ərzində aktyor ermənini öz evində gizlətməli, onu qorumalıdır. Çünki azərbaycan dilində səlis danışan, kamança çalmağı bacaran Edqar Sərxanın ən əziz uşaqlıq dostudur. 1990-cı ilin 20 yanvar hadisələri ərəfəsində dostunun Bakıdan qaçmasına kömək edən aktyor, indi yenidən onu qorumalıdır. Bəs Edqarın Bakıya gəlişinin səbəbi nədir? Sərxan bu barədə dostuna tez-tez sual versə də, doğru-dürüst cavab ala bilmir. Bəs qocaman aktyor erməni dostunu qoruya biləcəkmi?
Bu kitab “Mücrü” nəşriyyatının “Proza” seriyasında nəşr edilmişdir. Müəllifin və “Mücrü” nəşriyyatının rəsmi razılığı olmadan kitabın, yaxud onun hər hansı bir hissəsinin təkrar çapı qadağandır.
