Məhsul kodu: 11949
Kompozisiya dedikdə ağlımıza, bəlkə də, daha çox rəssamlar və rəsm əsərləri gəlir. Halbuki kompozisiya bu sənət sahibləri ilə biz dizaynerləri birləşdirən əsas ortaq anlayışdır. Bizə verilən kontenti məhdud sahəli səhifə üzərində düzgün yerləşdirib tələb olunan vizual iyerarxiyanı qurmaq üçün kompozisiyanın mahiyyətini, onun prinsiplərini anlamalı, dizaynda aktiv tətbiq etməliyik. Kitab sizə bu yolda düzgün addımlamaq üçün yol göstərəcəkdir. Bu məqsədlə kompozisiya mövzusu qrafik dizaynerlərə lazım olacaq səviyyədə sistemləşdirilmiş, onun prinsipləri tək-tək mövzular formasında işlənmişdir. Birinci bölmədəki kompozisiya mövzusunu oxuduqdan sonra ikinci hissədə insan beyninin təsvirləri qavrama prinsiplərini izah edən Qeştalt psixologiyası və onun dizaynda istifadə qaydaları ilə tanış olacaqsınız. Mövzuları tam anlamaq üçün kitabda təcrübəli dizayner və agentliklərimizlə müsahibələr hazırlanmış, yerli dizaynerlərimizin otuzdan çox işi nümayiş olunmuşdur.
