Məhsul kodu: 11985
Sevginin nə demək olduğunu anlayaraq kəşf edəcəyik, çünki sevgi özlüyündə bilinməzdir, bunun üçün ilk növbədə bilinəndən imtina etməliyik. Məlum olan şeylərlə dolu olan bir ağıl məchulu dərk edə bilməz. İndi edəcəyimiz şey bilinənin dəyərlərini taparaq, ona baxmaq olacaq. Mühakimə etmədən, necə varsa baxsaq, o zaman ağıl bilinəndən qurtula bilər: o zaman sevginin də nə demək olduğunu anlayacağıq. Beləliklə sevgiyə müsbət tərəfdən deyil, mənfi tərəfdən yanaşmalıyıq.
Bir çoxumuz üçün sevgi nə anlam daşıyır? Birinə sevdiyimizi dedikdə nəyi nəzərdə tuturuq? O insana sahib olmağı nəzərdə tuturuq. Bu sahib olmaqdan da qısqanclıq yaranır, çünki onu itirsəm nə baş verər? Özümü boş, kimsəsiz hiss edərəm, ona görə də bu qısqanclığı qanuniləşdirirəm, ondan bərk-bərk yapışıram. Bir kimsədən bərk yapşmaqla, həmin insana sahiblənməklə qısqanclıq, qorxu və saysız-hesabsız münaqişələr yaranır. Belə bir sahiblənmənin sevgi olmadığı açıq-aşkardır, elə deyilmi?
