Məhsul kodu: 12109
1998-ci ilin yazında, bir cümə günü Şimali Dakota ştatında Ceraldin adlı bir hindu qadın təcavüzə uğrayır. Bu hücumun təfərrüatlarının üzə çıxması xeyli çəkir, çünki ağır travma almış Ceraldin nə polisə, nə əri Bezilə, nə də on üç yaşlı oğlu Coya bir kəlmə danışır.
Bir gündə həyatı alt-üst olmuş Co anasının psixi vəziyyətinin yaxşılaşması üçün əlindən gələni edir. Lakin Ceraldin hələ də yataqdan qalxa bilmir, tənhalıq quyusunda təkbaşına çabalayır. Co qəfildən özünü heç vaxt hazır olmadığı böyüklər dünyasında görür.
Atası qəbilə rəisidir və ədalətsizliyin hökm sürdüyü mühitdə belə ədalətin bərqərar olması üçün mübarizə aparır. Conun isə rəsmi araşdırmanın nəticəsini gözləməyə səbri çatmır, ona görə də anasına kimin hücum etdiyini öyrənmək üçün dostları Kappi, Zak və Angus ilə birlikdə özü araşdırma aparmağa qərar verir. Axtarış əvvəlcə onları Ocibve qəbiləsinin dua yeri olan müqəddəs yerə, Dairəvi evə aparır. Əsl hekayə də burada başlayır.
Yerli amerikalılardan bəhs edən qəhrəmanları ilə çağımızın ən hörmətli yazıçılarından sayılan Luiza Erdriç Pulitzer mükafatının finalçısı olan “Göyərçin vəbası” əsərindən sonra oxucuları yenə də Şimali Dakotadakı Ocibve torpaqlarına aparır.
“Dairəvi ev” – qeyri-adi dildə yazılmış bu dərin təsirli, unudulmaz roman Folkner, Qarsia Markes və Toni Morrisonu yada salır”.
“USA Today”
Dairəvi Ev” sevgi, inciklik, ehtiyac və öhdəliklərin ailələri necə birləşdirdiyinə dair güclü kitabdır .
“New York Times”
Erdriç yerli Amerika cəmiyyətini dərindən araşdıraraq qəhrəmanların ruhunun ən qaranlıq nöqtələrinə işıq salır .
“New York Times Book Review”
Ağrı və faciənin ailəmizlə münasibətimizi necə dəyişə biləcəyini və bizə yeni ağrılar, eləcə də sevgi üçün yeni imkanlar gətirə biləcəyini göstərən heyrətamiz bir roman .
