Məhsul kodu: 3762
İrland əsilli ingilis yazıçısı E.L.Voyniç riyaziyyat aliminin ailəsində doğulmuşdur. Atasını körpə vaxt itirdiyi üçün uşaqlığı ehtiyac içində keçən Etel əvvəlcə dayısının ailəsində yaşayır, 23 yaşında isə Rusiyaya yollanır, orada gələcək həyat yoldaşı ilə tanış olur və ailə qurub İngiltərəyə qayıdır. Beş roman müəllifi olan Voyniç eyni zamanda bəstəkar və tərcüməçi kimi fəaliyyət göstərmiş, 96 yaşında ABŞ-da dünyasını dəyişmişdir.
Voyniçi dünyaca məşhur edən inqilabi-romantik ruhda olan “Ovod” romanı 1897-ci ildə ABŞ və İngiltərədə çap olunmuşdur. Əsər baş qəhrəman Artur Bertonun (Ovod) İtaliyanın azadlığı uğrunda mübarizəyə qoşulmasından və öz əqidəsindən dönməməyindən bəhs edir. “Ovod” sözü dilimizə mozalan kimi tərcümə olunur.
