Məhsul kodu: 4095
Amerika ədəbiyyatının ən görkəmli simalarından olan Ernest Heminquey 1899 - cu ildə Çikaqo yaxınlığındakı Ouk - Park şəhərciyində anadan olmuşdur. Hələ məktəbdə oxuyarkən məqalələr və kiçik hekayələr yazmışdır. Hər iki dünya müharibəsində iştirak etmiş, orden və medallarlaa təltif olunmuşdur. Bir sıra əsərlərini də müharibə zamanı şahidi olduğu hadisələr əsasında yazmışdır. Günəş də qalxır , Əlvida, silah , Olmaq ya olmamaq , Afrikanın yaşıl təpələri , Qatillər, Klimancaronun qarı , Qalib heçnə almır kimi əsərləri yazıçıya dünya şöhrəti qazandırmışdır. 1952 - ci ildə yazdığı Qoca və dəniz povestinə görə Nobel və Pulitser mükafatlarına layiq görülmüşdür.
