Məhsul kodu: 8727
Çox-çox illər bundan qabaq, Tiflis şəhərində, dövlətli bir türk yaşayırdı. Allah ona çoxlu mal-dövlət vermişdi; lakin yeganə övladı olan qızı Mahü-Mehr onun üçün hər şeydən əziz idi. Göydəki ulduzlar gözəldir, lakin ulduzlardan yuxarıda yaşayan mələklər onlardan da gözəldir; beləcə də Mahü-Mehr Tiflis qızlarının hamısından gözəl idi. Tiflisdə Aşıq Qərib adlı bir yoxsul da yaşayırdı. Allah ona saf, təmiz bir ürəkdən və aşıqlıq istedadından başqa heç bir şey verməmişdi; o, toy məclislərində gəzib saz çalar, qədim Türküstan pəhləvanlarını təriflər, varlı və xoşbəxt adamları əyləndirərdi. Toylardan birində o, Mahü-Mehri gördü və onlar bir-birinə aşiq oldular. Qızın vüsalına çatmağa Aşıq Qəribin ümidi az idi, ona görə də o, üzünü qara buludlar örtmüş qış göyləri kimi tutqunlaşdı
