Məhsul kodu: 9188
Dünya ədəbiyyatının görkəmli nümayəndələrindən biri olan ingilis yazıçısı Çarlz Dikkens (7 fevral 1812 – 9 iyun 1870) romanları və kiçik hekayələri ilə məşhurdur. Onun «Oliver Tvistin macəraları», «Devid Kopperfild», «İki şəhərin hekayəsi» kimi əsərləri bu gün də sevə-sevə oxunur.
Üç kitabdan ibarət olan və Dikkensin yaradıcılığının zirvəsi sayılan «İki şəhərin hekayəsi» əsərinin başlıca mövzusu Böyük Fransa inqilabıdır (1789–1799). Yazıçı oxucunu daim həyəcanda saxlayan süjet xəttinə malik bu romanda inqilabi hadisələr fonunda bir-birindən maraqlı insan xarakterləri yaradıb.
