Məhsul kodu: 9206
“Mummi Ata və Dəniz” (isveç. Pappan och havet) — Fin yazıçı Tove Yanssonun yazdığı Mummi seriyasının səkkizinci kitabıdır. İlk dəfə 1965-ci ildə yayınlanıb.
Mummi-Trol ailəsində qara günlər başlayır. Bir dəfə avqust ayının sonlarında Mummi Ata evdə yaşamağın çox darıxdırıcı olduğu qərarına gəlir. Onun təşəbbüsü ilə Mummi-Troll ailəsi balaca Myu ilə birlikdə Mummi evini tərk edir və dənizin ortasındakı tənha adada yaşamağa yollanır, burada Mummi ata dəniz fənərinin qarovulçusu işləməyi düşünür. Lakin adada həyat atanın düşündüyündən fərqli olaraq, o qədər də əyləncəli olmur. Mummi Ana evdən ötrü darıxarkən dəniz fənərinin divarlarında doğma evlərinin rəsimlərini çəkməyə başlayır. Mummi-Trol yeniyetməlik dövrünə qədəm basır, o qayğızıs dəniz dayçasına aşiq olur və özü də fərqində olmadan Morrinin qəlbini ovsunlayır. Mummilər ailəsinin yeganə qonşusu olan, köhnə daxmada yaşayan qoca balıqçı onlarla ünsiyyətdən qaçır və təkcə balaca Myu hər zaman olduğu kimi qayğısız və dəcəldir.
Tove Yansson bu kitabı yazanda anası ağır xəstə olub və bu da romanın yazılmasına təsir göstərib. Hekayət yetəri qədər darıxdırıcı alınıb və çıxılmazlıq hissləriylə yoğrulub. “Mummi Ata və Dəniz” haqlı olaraq Mummi seriyasının fəlsəfi alt yapısının olduğu və “böyüklər” üçün yazıldığı düşüncəsini doğurub.
