Məhsul kodu: 9266
Kitab Livan əsilli İslam mütəfəkkiri Musa Sədrin müxtəlif vaxtlarda Kərbəla hadisəsi ilə bağlı etdiyi çıxışlar əsasında ərsəyə gəlmişdir. Sədr bu tarixi hadisədən ictimai problemlərin həlli, insan şəxsiyyətinin formalaşması və tərbiyə olunmasına dair mühüm nəticələr əldə edir.
Musa Sədrin Kərbəla hadisəsinə yanaşması ümumbəşəri bir xarakterə malikdir. O, Kərbəla hadisəsinə dinamiklik bəxş edir, onu inzivadan çıxarır, keçmiş və gələcəklə əlaqələndirir. Bu səbəbdən də onun görüşləri xüsusi bir zaman sərhədini aşır:
“Nəsillər boyu məşəl rolu oynamış bu əbədi hadisə təkcə Hüseynin dövrü ilə məhdudlaşmır. Bu hadisənin sərhədləri emosional narahatlığı və insani bir faciəni aşır. Əslində, bu bütün zaman və məkanlarda nümunə götürüləcək mükəmməl bir modeldir”.
