Məhsul kodu: 12108
Hər birimiz arabir həyata məğlub olmağın ağrısını yaşayır, parçalanıb darmadağın oluruq. Lakin həmin parçaları toplayıb daha güclü versiyamızı yaratmaq da öz əlimizdədir.
Doktor Emma Kavana “Daha güclü sən” kitabında nevrologiyanın ifrat stres barədə dediklərini araşdıraraq bizi psixologiya aləminə səyahətə çıxarır. O, böhran zamanı savaş və ya qaçış cavab reaksiyasından ətraflı bəhs etdikdən sonra daha dərin qatlara enir, yorğunluğu dözülməz gərgin mühitə psixoloji adaptasiya vasitəsi kimi araşdırır.
Yorulub əldən düşmə mərhələsinin ardından hansı hal gəlir? Çətin mühitlərə adaptasiya olmağın qaydası varmı? Dünya başımıza yıxıldıqdan sonra ayağa qalxmaq, hətta özünü yenidən yaradaraq əvvəlkindən daha güclü olmaq mümkündürmü?
“The Independent”, “The Telegraph”, “The Observer”, CNN və “The Times” mətbu orqanlarında deyildiyi kimi, Doktor Emma Kavana bizi travmanı aşıb inkişaf etmək və ən çox ehtiyacımız olan anda toparlanmaq üçün vasitələrlə təmin edir.
Emma Kavana Kardiff Universitetində psixologiya üzrə fəlsəfə doktoru dərəcəsini qazandıqdan sonra psixoloq-məsləhətçi kimi çalışıb, ekstremal vəziyyətlərdə insan davranışları üzrə ixtisaslaşıb. Dəfələrlə Böyük Britaniya və digər Avropa ölkələrinin polis heyəti, hərbi qüvvələri və NATO qüvvələrində psixoloji təlim və konsultasiyalar keçirmək üçün dəvət edilib.
*************
Bu kitab məhz indiki dövrümüz üçün yazılıb. Tükənməyin nə olduğunu başa düşmək, sonra isə yenidən ayağa qalxa bilmək üçün oxumalı olduğunuz kitabdır.
Professor Lüsi İsthoup
Əgər bu ilin sonuna əzgin və bitkin halda gəlib çatmısınızsa, təskinlik tapmaq üçün bu balaca kitabı oxumağınız məsləhətdir.
“Sunday Times”
