Məhsul kodu: 4447
“Şinel” povesti Nikolay Qoqolun maraqlı və məzmunlu, öz aktuallığı ilə seçilən əsərlərindən biridir. Ön sırada verilən Akaki Akakiyeviç Başmaçkin Peterburqun kiçik dövlət məmurudur, vəzifəsi sənədlərin üzünü köçürməkdir. Lakin bu sadə və yoxsul insanı ətrafdakı gənc məmurlar lağ edir, əngəl törədir, onu incidir, Başmaçkinə işləməyə imkan vermirlər.
Akaki Akakiyeviç bir gün kürəyində, çiynində soyuqluq hiss edir, görür ki, şineli bir-iki yerdən süzülüb. Dərzi Petroviçə müraciət edir, şinelə yamaq saldırmaq istəsə də bu, əmələ gəlmir. Təzə şinel tikdirmək isə Akakinin məvacibinə uyğun deyil. Məmur məcburiyyətdən bəzi xərclərində qənaət etməli olur: gecələr çay içmir, şam yandırmır, içkini yığışdırır, camaşırxanaya xərc çəkməmək üçün evdə paltarsız – bircə xalatda davranır ki, kirlənməsin.
Nəhayət, Akaki Akakiyeviçin şineli hazır olur, şaxtalı bir gündə departamentə təzə geyimdə gəlir. Bir axşam onu rəis köməkçisinin ad gününə dəvət edirlər, qonaqlıqdan qayıdanda isə qaranlıq tində dayanan “bığlı adam” “Paho – mənim şinelim!” deyib kiçik məmurun təzə libasını çırpışdırır…
