Məhsul kodu: 11705
Fəlsəfənin çətin sualları adi insanlar üçün əhəmiyyət kəsb etməlidirmi? Dünyaca məşhur analitik filosof Tomas Nagel bu kitabda fəlsəfi problemləri canlandıraraq onların nə üçün əsrlər boyu mütəfəkkirləri heyran etdiyini sadə bir üslubda izah edir. Müəllif fəlsəfə öyrənməyə başlamaq üçün ən yaxşı yolun fəlsəfi problemlər haqqında birbaşa düşünmək olduğunu vurğulayaraq özümüz haqqında verə biləcəyimiz ən mühüm suallara müraciət edir:
Doğrudanmı azad iradəmiz var? Niyə əxlaqlı olmalıyıq? Zehnimizlə beynimiz arasında hansı əlaqə var? Ölümdən sonra həyat varmı? Ölümə münasibətimiz necə olmalıdır? Bu qədər ucsuz-bucaqsız, milyardlarla işıq ili olan bir kainatda gördüyümüz hər hansı bir iş, həqiqətən, əhəmiyyətli ola bilərmi? Cəmiyyətlərdəki bərabərsizliklərin səbəbləri hansılardır? Bu səbəbləri aradan qaldırmaq mümkündürmü?
Bunlar insanı düşündürən çoxsaylı sualların bəzisidir. Nagel kitabda bu və bu kimi sualları yüksək peşəkarlıqla araşdırır. O öz fikirlərini azad və təvazökarcasına ifadə edir, oxuculara digər cavabları da nəzərə almaq üçün fürsət yaradaraq onları təkbaşına düşünməyə sövq edir.
