Məhsul kodu: 12128
“Əgər təvazökar olmağı bacarsaq, həyatın ən böyük dərslərini ağıllı böyüklərdən deyil, sözdə cahil adlandırılan uşaqlardan alarıq. Mən buna inanıram: öz təcrübəmdə də görmüşəm ki, uşaqlara təvazökar və məsum hisslərlə yanaşsaq, onlardan müdrikliyi öyrənə bilərik”.
Mahatma Qandi,
“Montessori Training College”dəki çıxışından
Mariya Montessori uşaq tərbiyəsində inqilab etmiş pedaqoqlardan biridir. Onun unikal metodu hazırda İngiltərə, İtaliya, Almaniya kimi inkişaf etmiş ölkələrdə uğurla tətbiq olunur.
Müəllifin fikrincə, valideynlər uşağa “mum” kimi baxırlar, düşünürlər ki, ona istədikləri şəkli verə bilərlər. Montessori isə alternativ yol təklif edir: böyük öz doğru bildiyini uşağa diktə etmək əvəzinə, müşahidə etməyi, kömək etməyi və uşağın ehtiyac duyduğunu ona təqdim etməyi bacarmalı, ən əsası, psixoloji inkişafına dəstək olmalıdır.
Bu metod uğurlu şəkildə tətbiq olunsa, mükafatlandırma və ya cəzalandırmağa ehtiyac qalmaz. Rəqabət və qorxunun yaratdığı emosional gərginlikdən azad olan uşaq rahat, xoşbəxt və özünəinamlı olar.
Montessorinin Azərbaycan dilinə ilk dəfə tərcümə olunan bu kitabı dünyada yüz minlərlə valideynin və pedaqoqun tez-tez müraciət etdiyi stolüstü kitabıdır.
