Məhsul kodu: 11868
Elmdən başqa informasiya mənbəyi olduğunu iddia edənlər yanılırlar, hansı ki, bunun tarixdə saysız misalı mövcuddur. Nə mifologiya, nə dinlər, nə sehr, nə də falçılıq informasiya mənbəyi deyildir. Tarix ərzində elm adı altında yalançı elmlər (psevdoelm) deyə biləcəyimiz: kəhanət, astrologiya, sehrbazlıq, gizli (okult) elmlər kimi mövzular insanlara elm adı altında təqdim edilmişdir ancaq bunların heç biri elm deyil. Onların arxa planında ya saf inanc, ya da bir başa saxtakarlıq yatır.
İnsan düşünə bilməyə başladığından etibarən ətrafında olanlara maraq duyaraq öyrənmək, ətrafında baş verən hadisələri anlamaq istəmişdir. Bu bioloji təkamülün insana qazandırdığı bir instinktdir. İnsan fiziki olaraq zəif varlıqdır. Nə özünü qoruya biləcəyi təbii silahları (buynuz, caynaq, zəhər və s.), nə də sürət və uçma qabiliyyəti kimi düşmənlərindən qaçıb qurtulmasını asanlaşdıran bacarıqları vardır. Tək silahı ağlıdır.
Sorğulamağın cəzalandırıldığı bir cəmiyyətdə inkişaf necə baş verdi? deyə düşünə bilərsiniz. Cavabı çox sadədir: Hər cəmiyyətdə asi beyinlər hər cürə cəza və təcavüzə baxmayaraq eşitdiyini, gördüyünü sorğulayan intellektual fərdlər ortaya çıxır. Bax bu nadir insanlar sorğuladığına və yeni fikirlər yaratdığına görə yeniliklər və inkişaf baş vermişdir.
