Məhsul kodu: 3842
Elmi fantastikanın və mistifikasiyanın banisi sayılan ABŞ yazıçısı, şair və ədəbi tənqidçisi Edqar Allan Po (1809-1849) həmçinin Amerika ədəbiyyatında romantizm hərəkatının liderlərindən biri olub. Qısa oçerklər, detektiv və kriminaloji-fantastik janrlarda hekayələr yazan ilk Amerika yazıçılarından biri kimi qəbul olunur. Belə zəngin ədəbi irsə malik olan yazıçı bu nailiyyətlərə 40 illik qısa ömrü çərçivəsində nail olmuşdur. Ədibin “Quzğun”, “Ərəfə”, “Anabel Li” kimi irihəcmli şeirləri, “Qara pişik”, “Diri-diri basdırılma”, “Xanım Ligeya”, “Morq küçəsində qətl”, “Mumiya ilə söhbət”, “Qeyri-adi mələk”, “Şüşədən tapılmış əlyazma” və bu kimi kriminal və mistik mövzulu nəfəs kəsən hekayələri bu günə kimi dünya ədəbiyyatında özünə məxsus yer tutmaqla yanaşı, həm də bu mövzunu davam etdirən ardıcıllar ordusu yaratmışdır. Müəllifin hekayələrinin bir çoxu Azərbaycanda ilk dəfə tərcümə olunaraq oxucuların ixtiyarına verilir.
